Ветеринария ва чорвачиликни ривожлантириш бўлими ва ҳамкор ташкилотлар томонидан ҳайвонлар касалликларининг олдини олишга қаратилган эпизоотик тадбирлар уюшқоқлик билан ташкил этилмоқда.
Жумладан, Навоий вилояти Нурота туманида куйдирги касаллигининг тарқалишига қарши амалий-семинар бўлиб ўтди. Унда Давлат ветеринария хизмати, Фавқулодда вазиятлар бошқармаси, санитария-эпидемиологик осойишталик маркази ҳамда туман тиббиёт бирлашмалари ходимлари иштирок этишди.
Тадбирда ҳайвонлар касалликлари, хусусан куйдирги касаллигига қарши курашиш бўйича амалга оширилаётган ишлар, унинг олдини олишга қаратилган профилактик чора-тадбирлар атрофлича муҳокама қилинди.
Шунингдек, ҳамкор ташкилотлар мутахассислари томонидан касалликка қарши кураш бўйича амалий машғулотлар олиб борилди.
Манба:http://vetgov.uz сайти
