Навоий шаҳрида эпизотик барқарорлик таъминланмоқда
Қорамолларнинг нодуляр дерматити контагиозли чегара билмас вирус касаллиги бўлиб, давомли иситма, некрозланувчи ўчоқли тери бўртмалари (ғадир-будур шиш), тарқалган лимфаденит, кўз, нафас олиш ва овқат ҳазм қилиш аъзолари шиллиқ пардаларининг жароҳатланиши билан характерланади. Бу касаллик билан, баъзан, қўй, эчки ва буйволлар ҳам касалланиши мумкин.
Навоий шаҳар ветеринария ва чорвачиликни ривожлантириш бўлимида “Тинчлик” ва “Хончарбоғ” ветучасткалари мутахассислари томонидан хўжаликларда, аҳоли хонадонларида ҳайвонлар оқсил, куйдирги, нодуляр дерматит касалликларига календар режаси асосида, ит ва мушуклар қутуриш касаллигига қарши профилактик эмлаш ва тушунтириш ва тарғибот ишлари олиб борилмоқда.
Шунингдек, аҳоли ва чорвачилик хўжаликлари томонидан четдан келтирилган наслли қорамоллардан бруцеллёз касаллигига текшириш учун қон намуналари олинмоқда.
Шаҳар ҳудудида мавжуд чорва моллари сақланадиган жойларда, чорвачилик хўжаликларида дезинсекция ишлари амалга оширилмоқда.
Бошқарма ахборот хизмати
