Мазкур хизмат исталган савол юзасидан малакали мутахассислардан онлайн режимида тезкор маслаҳат олиш имконини беради. Сервисдан фойдаланиш учун шахсий кабинет очиш талаб этилмайди.
94 та ташкилот ва идоранинг юқори малакали мутахассислари саволларга жавоб берадилар. Агар маслаҳат бериш учун вақт талаб қилинса, мурожаатчи бу ҳақда хабардор қилинади. Маслаҳатчи мурожаатчи билан кейинчалик боғланиш учун унинг контакт маълумотларини (телефон рақами, электрон почта манзили ва бошқалар) ёзиб олади.
Маслаҳатлар ҳар куни, шанба ва якшанба кунларидан ташқари, соат 9 дан 18 гача танаффуссиз берилади. Маслаҳат хизмати учун ҳақ олинмайди.
Мутахассислар мурожаатлар бўйича ҳафталик таҳлил юритадилар. Энг кўп бериладиган саволлар юзасидан «Кўп бериладиган саволлар» бўлими учун материаллар ва тизимли қоидабузарликларни бартараф этишга, шунингдек ҳуқуқни қўллаш амалиёти ва норматив-ҳуқуқий ҳужжатларни такомиллаштиришга доир таклифлар тайёрланади.
Манба: www.norma.uz сайти
