“Ветеринария тўғрисида”ги Ўзбекистон Республикаси Қонунига ўзгартиш ва қўшимчалар киритиш ҳақида” ги Ўзбекистон Республикаси Қонуни билан Ўзбекистон Республикасининг “Ветеринария тўғрисида”ги қонунига ўзгартиш ва қўшимчалар киритилиб, унинг янги таҳрири тасдиқланганлиги муносабати билан, ушбу қонуннинг соҳа ходимлари томонидан чуқур ўзлаштирилишини таъминлаш ҳамда тадбиркорлик субъектлари ва аҳоли ўртасида қонун мазмун-моҳияти юзасидан кенг тушинтириш-тарғибот ишларини ташкил этиш мақсадида вилоят давлат ветеринария бошқармаси ахборот хизмати томонидан жорий йил 11 январь куни “Ветеринария тўғрисида”ги Ўзбекистон Республикаси Қонунига ўзгартиш ва қўшимчалар киритиш ҳақида” ги Ўзбекистон Республикаси Қонуни ҳамда “Ўзбекистон Республикасининг “Ветеринария тўғрисида”ги қонуни янги таҳрири моҳияти” мавзусида ўқув ва амалий семинар ташкил этилди.

Семинарда вилоят адлия бошқармаси тадбиркорлар ҳуқуқларини ҳимоя қилиш бўлими бош маслаҳатчиси Э.Б.Баходиров иштирок этди. Семинарга вилоят давлат ветеринария бошқармаси ва унинг таркибий бўлинмалари раҳбар мутахассислари, вилоят ҚСХБ чорвачилик сектори раҳбари, чорвачиликда наслчилик ишлари давлат инспекцияси, “Навоийчорванаслчилик” корхонаси раҳбарлари, тадбиркорлар, шунингдек вилоят телевидениеси, “Дўстлик байроғи” газетаси вакиллари таклиф этилдилар.

Семинарни кириш сўзи билан очган вилоят давлат ветеринария бошқармаси бошлиғи И.Х.Джураев, семинардан кузда тутилган мақсад Ўзбекистон Республикасининг янги таҳрирдаги “Ветеринария тўғрисида” ги қонуни мазмун моҳияти ни соҳа мутахассислари томонидан тўлқонли ўзлаштирилишини таъминлаш билан бир қаторда, ушбу қонун моҳиятини тадбиркорлар, аҳоли ўртасида кенг тарғиб қилиш ҳамда унга киритилган ўзгартириш ва қўшимчалар, қонунда тадбиркорлик субъектлари қонуний манфаатлаорини ифодоловчи моддалар, шунингдек 2012 йилда Парижда Ҳайвонлар соғлигини химоя қилиш Халқаро ташкилотининг (ХЭБ) 178-та аъзо мамлакатлар иштирокида ўтказилган 80-Бош сессиясида “Ердаги ҳайвонлар соғлигини халқаро Кодекси” га киритилган, барча дунё мамлакатларида кўлланилиб келинаётган ветеринариянинг асосий тушунчаси бўйича янги меъёрий боб ердаги хайвонларнинг (сутэмизувчилар, паррандалар ва арилар) ва чорвачилик маҳсулотларининг халқаро савдосида хавфсизликни таъминлаш бўйича стандарт ва меъёрий матнлардан келиб чиққан ҳолда қонуннинг янги таҳририда асосий термин ва ифодалар мазкур Кодекснинг матни билан мослаштирилганлигини таъкидлаб ўтди. 

Семинар иштирокчиларига презентация шаклида тайёрланган Ўзбекистон Республикасининг “Ветеринария тўғрисида”ги қонуни янги таҳрири ҳар бир моддаси мазмуни ва моҳияти юзасидан батафсил тушунчалар берилди. Семинар қатнашчилари қонуннинг янги таҳририга доир ўзларини қизиқтирган барча саволларга малакали мутахассилар томонидан батафсил жавобларни олдилар. 

Семинарда сўзга чиққан тадбиркорлар М.Облаев, Х.Жакиев,Э.Исатов, Н.Сидиқов, Э.Ражабов, вилоят қишлоқ ва сув хўжалиги бошқармаси, вилоят чорвачиликда наслчилик ишлари давлат инспекцияси, вилоят давлат ветеринария бошқармаси мутахассислари семинар юқори савияда ташкил этилганлигини, қонуннинг мазмун ва моҳиятини кенг оммага тарғиб қилишда ижобий аҳамият касб этишини таъкидлашди. Шу каби семинарларни бошқарманинг барча таркибий бўлинмаларида ўтказиш, семинарларда тадбиркорлар, фуқароларнинг ўзини ўзи бошқариш органлари, нодавлат нотижорат ташкилотлар вакиллари, ва фуқаролар кенг иштирокини таъминлаш, шунингдек мунтазам тарзда ОАВ орқали чиқишлар, давра суҳбатлари ташкил этиш мақсадга мувофиқлигини таъкидлашди.

Бахтберган Жузбаев, бошқарма ахборот хизмати гуруҳи раҳбари